Сточарите изразуваат загриженост за владината одлука да испорачаат 50% од јагнињата, пропорционално на бројот на овци, во кланица. Според нив, оваа одлука негативно се одразува на бројот на стадата кој од година во година се намалува. Посочуваат дека не може секоја овца да се јагни, па условот да се предаде половина од нив предизвикува загуби и го отежнува одржувањето и одгледувањето на стадото.
-Оваа година, 30% од овците се ојагниле предвреме. Не знаеме дали е вирус или што е проблемот! Дури и ветеринарите велат дека не знаат што е проблемот. На пример, јас имам 100 овци и тие никогаш не се отелиле на време. 50 ќе се родат на време, 30% подоцна и 20 воопшто. Овие 50% никогаш не се дополнува. Нека дојде министерот, кој сака нека дели нека ги земе овците, ќе ги дадам без да гледам. Нека земат 100 овци, сите нека ги оплодуваат некое време, нека направат 100 јагниња, а јас ќе им бидам слуга додека сум жив, изјави Осман Адили, сточар.
–Имаме 100 овци, не раѓаат сите. Се јагнат 70%! 10% се ојагнуваат подоцна, 10% умираат или се разболуваат. Со овие 50% што ни ги бараат остануваме без субвенции и бараме разбирање од министерството да ги повлече овие 50% затоа што губиме и нема повеќе овци. Ако треба да дадеме 50% од нашите 70 јагниња, принудени сме да ги дадеме и женските јагниња на владата. Тогаш остануваме без женски јагниња и нема овци, изјави Орхан Фејзулаху, сточар.
Заменик-министерот за земјоделство Флакрон Беџети вели дека со ова не може да има измама околу бројот на стадата, а со зголемувањето на субвенциите сточарите имаат поголеми приходи. Разговарал со сточарите, а нивните поплаки ќе се разгледуваат во министерството.
-Друга загриженост е што за да ги добијат субвенциите, сточарите мора да испратат 50% од нивниот број во кланица. Тоа се должи на искористувањето на субвенциите, каде што порано имаше зголемување и злоупотреба на субвенциите. Лажното пријавување и оваа загриженост ми ја кажаа и мене, и јас си зедов за обврска да зборувам со надлежниот сектор и со министерот и ќе се обидеме овој процент да го намалиме. Овие 50% да се намалат и се надевам на разбирање и успех во овој правец, изјави Флакрон Беџети, заменик министер за земјоделство.
Сточарите велат дека јагне од над 20 килограми се плаќа 210 денари, додека за под 20 килограми се плаќа 220, што според нив е минимална цена, додека сите земји во регионот плаќаат по 300 денари за килограм. Додаваат дека за секое јагне во кланицата добиваат по 1000 денари, но овие пари ги немаат добиено последните две години.
