Новата малопродажна цена на еуросупер БС-95 ќе биде 73 денари за литар, еуросупер БС-98 ќе се продава за 75, еуродизел БС (Д-Е V) за 66,5, а екстралесното масло за домаќинство (ЕЛ-1) за 65,5 денари за литар
Бензините и еуродизелот од ноќеска на полноќ поевтинуваат за два денара по литар, а цената на екстралесното масло за домаќинството се намалува за еден денар, одлучи денеска Регулаторната комисија за енергетика (РКЕ). Со одлуката се врши намалување на малопродажните цени на нафтените деривати во просек за 2,09 проценти.
Новата малопродажна цена на еуросупер БС-95 ќе биде 73 денари за литар, еуросупер БС-98 ќе се продава за 75, еуродизел БС (Д-Е V) за 66,5, а екстралесното масло за домаќинство (ЕЛ-1) за 65,5 денари за литар.
Со одлуката на РКЕ за 0,248 денари за килограм се намалува и малопродажната цена на мазутот М-1 НС и ќе изнесува 32,635 денари.
Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат намалување кај бензините во просек за 4,932 отсто, кај дизелот за 4,357, кај екстралесното масло за 1,790 и кај мазутот за 1,013 отсто.
