Новиот претседател на Европскиот совет, Антонио Кошта и високата претставничка на ЕУ за надворешна и безбедносна политика, Каја Калас, денеска пристигнаа во Киев, искористувајќи го првиот ден од нивните нови улоги за да испратат порака за поддршка на Украина во војната со Русија.
„Од првиот ден на војната, ЕУ е со Украина. Од првиот ден од нашиот мандат ја потврдуваме нашата непоколеблива поддршка за украинскиот народ“, објави Кошта на „X“.
И Калас и Кошта претходно силно ја поддржуваа Украина од руската инвазија во февруари 2022 година и го посетуваат Киев во време кога Украина се бори против жестоката руска офанзива и неизвесноста на американската политика кон неа кога Доналд Трамп ќе ја преземе функцијата следниот месец, пишува Ројтерс.
ЕУ наведува дека нејзините институции и земјите-членки ставиле на располагање околу 133 милијарди долари помош за Украина од почетокот на војната.
„Во мојата прва посета по преземањето на функцијата, мојата порака е јасна: Европската унија сака Украина да победи во оваа војна“, напиша Калас на X.
