Деталите од истрагата за смртта на поранешниот пејач на „Уан дајрекшн“, Лијам Пејн, открија што довело до фаталното скокање од балконот на третиот кат на хотелот „КасаСур“ во Буенос Аирес и дали тоа можело да се спречи.
Судејќи според снимките од надзорните камери, повикот на хотелот во полиција, како и полициските извештаи, се посочува дека Лијам не сакал да биде затворен во просториите, дури и во хотелските соби, пишува порталот ТМЗ.
Порталот наведува и дека пејачот во средината на септември годинава успеал да му побегне на својот телохранител кој го однел во изнајмена куќа на Флорида, за да го освести за влијанието на наркотиците. Судејќи според снимката од камерата за надзор на хотелот во Буенос Аирес, Лијам поминал низ слична ситуација кога тројца хотелски работници буквално го влечеле до неговата соба на третиот кат. Неколку минути подоцна, Лијам скокна од балконот. Вработените во хотелот не му помогнале на Лијам, туку само го одвлечкале до неговата соба, после што се случил кобниот пад на пејачот и неговата смрт.
„Не знам дали му е во опасност животот, во соба со тераса е, малку се плашиме…“, биле зборовите на еден од вработените во хотелот упатени до полицаецот при телефонски повик.
Меѓутоа, покрај безживотното тело на Лиам, била пронајдена чанта врзана околу неговото рамо и капа, поради што се шпекулира дека Лиам всушност не извршил самоубиство, туку дека се обидел да побегне од затворената соба преку други тераси.
Оваа теорија ја поткрепува уште еден детаљ од полицискиот извештај, во кој се вели дека два дена по смртта на пејачот, хотелски работник на вториот кат, веднаш под собата на Лијам, пронашол кафеава кожена чанта во која имало порака – „за Лијам“. како и многу апчиња и алкохол. Се верува дека пејачот случајно ја испуштил чантата додека наводно се обидувал да избега од собата.
Оваа теорија ја потврдуваат зборовите на патологот кој изјавил дека Лијам можеби бил во несвест кога паднал од терасата, но дека бил свесен кога ја ставил чантата на рамо и почнал да се симнува од балконот.
Судејќи според зборовите на извор близок до ТМЗ, полицијата наводно се обидува да го заштити хотелот за кој велат дека повеќе се грижел за заштита на имотот отколку за заштита на гостите.
