19 C
Skopje
Monday, May 10, 2021

Норвежанецот кој го номинираше Трамп за Нобелова награда го промени мислењето

Најчитани вести

Норвешкиот пратеник Кристијан Тибринг-Гједе, кој есеноска го номинираше американскиот претседател Доналд Трамп за Нобелова награда за мир, сега по упадот на неговите приврзаници во Конгресот, вели дека не е сигурен дека Трамп е способен да остане во Белата куќа до крајот на мандатот.

Тибринг-Гједе, пратеник од десното крило на популистичката Напредна партија, за телевизијата НРК изјави дека не е сигурен дека американскиот претседател е во состојба последните 13 дена да ги помине во Белата куќа.

Состојбата на Трамп е сè полоша и полоша откако ги загуби изборите во ноември, додаде тој, пренесува порталот Локал.но.

Според него, лицата одговорни за насилство и вандализам мора да се соочат со последиците од нивните постапки.

Во септември 2020 година, Тибринг-Гједе го предложи Трамп за Нобелова награда за мир поради неговата улога во постигнувањето историски договор меѓу Израел и Обединетите Арапски Емирати. Тој веќе го номинираше Трамп за таа награда во 2018 година.

Сега, сепак, тој вели дека е преплашен од тоа како Трамп ги охрабрува своите приврзаници.

Повеќе вести

- Advertisement -spot_img

Најнови вести