Во иницираната истрага се уште не е утврдено каде лежи проблемот и дали има повреда во однос на големиот акумулиран буџет на Јавното претпријатие за промет и повлечениот тендер за ново снабдување со нафта. Дирекцијата за финансиска полиција со која контактираше Алсат, денеска не откри детали за истрагата што ја спроведуваат.
Основното јавно обвинителство, пред неколку дена, даде наредба до Управата за финансиска полиција да ги испита постапките за набавка на нафта за потребите на ЈСП. Ова уследи откако Град Скопје, преку соопштение до медиумите го обвини директорот на Бирото за јавни набавки дека ја поништува постапката за набавка на гориво за автобусите и рече дека тоа е причината што компанијата била ставена пред колапс, и пред неколку дена ги повлекла автобусите во своите бази, поради недостиг на нафта.
Премиерот Христијан Мицкоски рече дека сега останува на истражните институции да откријат каде е проблемот.
Долгот на ЈСП само кон „Пуцко Петрол“ за гориво е близу 10 милиони евра. ЈСП се соочува со други долгови акумулирани во текот на годините, како за плати, така и за друга опрема за одржување на градските автобуси.
