Том Хенкс бара од корисниците на Интернет да не наседнуваат на лажни измами кои го користат неговиот лик за промовирање лекови и суплементи.
Во објава на Инстаграм неодамна, актерот издаде соопштение за печатот, предупредувајќи дека има повеќе лажни реклами на интернет кои ги користат неговото име, сличност и глас, за кои Хенкс вели дека се употребуваат за промовирање на „чудесни лекови“.
„Овие реклами се направени без моја согласност, со измама и преку вештачка интелигенција“, додаде актерот. „Немам никаква врска со овие објави или производите и третманите, или портпаролите кои ги промовираат овие лекови.
Ова не е првпат Хенкс да се користи во махинациите на измамниците. Во октомври, повторно на Инстаграм, актерот сподели скриншот од дипфејк видео, што е искористено за спроведување дентален план, што и Хенкс категорично го демантираше.
„Има видео во кое промовира некој дентален план користејќи верзија од мене со вештачка интелигенција“, напиша Хенкс. „Немам никаква врска со тоа“.
Хенкс не е единствената славна личност чии гласови и лица се користени за мрачни цели. На пример, дипфејк копија од гласот на Том Круз, беше искористена за раскажување на руска пропагандна снимка дизајнирана да ја поткопа довербата во Меѓународниот олимписки комитет, а познатите и непознатите жени се соочија со создавање и дистрибуција на лажна порнографија без согласност.
Совет: бидете особено внимателни со она што го консумирате на интернет овие денови. Како што рекол вистинскиот Хенкс: Не се залажувајте, луѓе.
