На англиските фудбалски клубови Манчестер сити и Челси им се заканува исфрлање од Премиер лигата.
Не помина ниту една недела од веројатно најдобриот натпревар оваа сезона на „Стемфорд Бриџ“ на кој видовме по четири гола на двете страни, а тоа може да биде еден од нивните последни дуели во елитното натпреварување.
Евертон неодамна беше казнет со 10 бодови поради прекршување на правилата за финансиски фер-плеј. Во претходните три години „Карамелите“ работеле во минус поголем од 19 милиони. Затоа се наметна прашањето – ако Евертон заслужи ваква казна, тогаш што е со клубовите кои се во уште поголем прекршок?
Првата асоцијација е Манчестер сити кој е обвинет за 115 прекршувања на истите правила, додека во работата на Челси се забележани неправилности во плаќањето во ерата на Роман Абрамович.
„Тајмс“ го потврди пишувањето на други британски медиуми за потенцијалното исфрлање на тие два тима и дополнително ја прошири приказната. Според нивните изјави, доколку вината на Манчестер сити и Челси се докаже пред независно регулаторно тело, постојат две опции – исклучување или одземање по 30 бода.
🚨 Manchester City and Chelsea run the risk of relegation from the Premier League after Everton's 10-point deduction set a powerful precedent.
(Source: @MailSport) pic.twitter.com/B6vObph9HR
— Transfer News Live (@DeadlineDayLive) November 18, 2023
