Во Собранието денеска седница ќе одржи Комисијата за политички систем и односи меѓу заедниците, на чиј дневен ред е Предлог на законот за изменување и дополнување на Законот за управување со конфискуван имот, имотна корист и одземени предмети во кривична и прекршочна постапка, во второ читање.
Како што се посочува во образложението објавено на собраниската веб-страна, целта на овие измени на Законот и тоа во делот каде се утврдени условите за избор/именување на директор, заменик директор и на други јавни функции, да се создаде можност за избор на стручни кадри во сферата.
-Целта на овие измени на Законот и тоа во делот каде се утврдени условите за избор/именување на директор, заменик директор и на други јавни функции, е на тој начин што условот за поседување на меѓународно признат сертификат или уверение за активно познавање на англиски јазик кој е поединечно дефиниран во посебните матријални закони, е да се додадат зборовите: „или сертификат и/или уверение со кој се потврдува познавањето на еден од трите најчесто користени јазици во Европската Унија-англиски, француски или германски со најмалку Б2 ( В2 ) од Европската референтна рамка за јазици, издадена од установа или институција во државата или од странство, регистрирана како давател на оваа услуга“, се вели во образложението за Предлог-законот.
Исто така, Комисијата за надзор над работата на Агенцијата за национална безбедност и на Агенцијата за разузнавање денеска ќе оствари надзорна посета во просториите на Агенцијата за разузнавање.
