На 8 август ќе се распишат локалните избори, ПРВ КРУГ ВЕРОЈАТНО НА 26 ОКТОМВРИ

На 8 август ќе се распишат локалните избори, првиот круг најверојатно на 26 октомври, а вториот, две недели подоцна, на 9 ноември, објави „Канал 5“.

Но, она што е неизвесно дали тие ќе се одржат со променет Изборен законик и каква ќе биде позицијата на граѓанските иницијативи во изборната трка, по правниот вакуум што настана откако Уставниот суд ги укина членовите со кои се крена прагот за потребни потписи за независните, но пратениците од власта и опозицијата здружно во Собранието повторно поднесоа законски измени за зголемување на бројот на потписи за независните. Вака предложениот Изборен законик сега е заглавен во Собранието поради блокирањето од ДУИ и немање Бадентерово мнозинство.