Мурињо за „телефонскиот повик“ ќе биде суспендиран на три натпревари

Жозе Мурињо се соочува со суспензија поради црвениот картон што го доби во 91.минута на натпреварот со Верона (2:2).

Темпераментниот Портгалец, во финишот на натпреварот со еден гест успеа да го испровоцира главниот судија Лука Паирето. Мурињо гестикулираше телефонски повика.

Според италијанските медиуми тој на судијата му порачал: „Намерно те испратија. Јувентус те пушти да судиш овде“.

Лука Паирето е син на поранешниот судија Пјерлуиџи, кој беше исфрлен од фудбалот поради местење натпревари во 2006 година. Тој е еден од оние кои добија драконски казни за аферата „Калчополи“.

Братот на Лука, Алберто осум години е вработен во Јувентус.

Според медиумите Мурињо ќе добие суспензија од три натпревари.