Tренерот на Рома, Жозе Мурињо ја пофали својата екипа после победата против Емполи на гости од 2:4.
Рома одигра одличен натпревар и водеше со 0:4 на полувреме, а домаќинот во второто полувреме успеа да постигне два гола и да го постави конечниот резултат. И покрај падот на играта во второто полувреме Португалецот сакаше да остане позитивен.
„Кога во прашање е второто полувреме, одигравме за публика. Ако дадевме гол за 5:0 сигурно многумина би го промениле каналот, вака останаа до крај“, низ шега одговори Мурињо.
„Пред овој натпревар знаевме дека Лацио, Аталанта и Фиорентина изгубија бодови, така ни беше важно да победиме и во тоа успеавме. Иако можевме и подобро да ја контролираме играта“, истакна Португалецот.
Серхио Оливеира кој пристигна од Порто постигна два гола на два натпревари во низа.
„Тој е одличен, феномен од техничко гледиште, ретко носи погрешна одлука. Освен тоа има способност и знае како да се справи со ситуацијата и кога да направи фаул“, потенцираше Мурињо.
