Денеска во Скопје остварив средба со Генералниот секретар на Регионалниот совет за соработка, Амер Капетановиќ.
На средбата нагласив дека Регионалниот совет за соработка има значајна улога за стабилноста и економскиот развој на регионот. Регионалните иницијативи остануваат клучен механизам за зајакнување на интеграцијата и одржување на европската перспектива на земјите од Југоисточна Европа.
Ја реафирмирав посветеноста на Владата кон европската интеграција и регионалната соработка, што е потврдено со усвојувањето на Реформската агенда и Планот за раст. Овие процеси, заедно со
Заедничкиот регионален пазар, имаат конкретни придобивки за компаниите, институциите и младите во регионот.
Заеднички нагласивме дека е од суштинско значење сите ресурси да бидат ставени во функција на реализација на клучните регионални иницијативи, со што ќе се обезбеди одржлив развој и економска поврзаност на регионот.
