Home » Министерката не го криела државјанства, не може да го ставиме цел матичен лист, вели Мицкоски

Министерката не го криела државјанства, не може да го ставиме цел матичен лист, вели Мицкоски

by Журнал.мк

Министерката за енергетика, рударство и минерални суровини Сања Божиновска не криела дека има бугарско и чешко државјанство и посочи дека функционерите не можат во биографијата да го стават целиот нивен матичен лист, за се што правеле, вели премиерот Христијан Мицкоски.

-Не би се согласил дека криела од јавноста. Инаку, во биографијата не гледам причина дека треба нашиот матичен лист да го ставиме и се што сме правеле. Еве јас имам 46 години, затоа што ако напишев во биографијата се’ што сум правел претпоставувам неколку тома ќе беа, така што сакам да ви кажам дека како Влада остануваме отворени кон јавноста. Тоа е нашата политичка определба. Вие новинарите сте наши партнери и ние сме подготвени да одговориме на вашите прашања. Ве молам, ценете ја нашата работа според делата, да ги оставиме политичките игри настрана. Разбирам дека има центри коишто сакаат ова да биде интерес, а не работата на новата Влада, да биде интерес кој имал, кој кому намигнал, кој зошто вака кажал, така кажал, а да не биде интерес пола милијарда евра градинка, училиште, сала, реформи итн.. Разбирам дека има и такви центри, но јас би сакал да зборувам повеќе за вакви проекти какви што се денес, рече премиерот.

На повтореното новинарско прашање дали министерката има двојно или тројно државјанство и зошто криела, Мицкоски нагласи дека не се согласува со констатацијата на новинарката и ја упати да побара одговор од лицето за кое прашува.

-Не се согласувам со вас дека ја манипулира јавноста. Ќе го побарате одговорот од лицето за кое што прашувате. Јас можам да кажам дека Сања е исклучителен експерт и европски експерт и сум среќен што ја имам како соработник во мојот тим, рече Мицкоски.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More