Скандалозниот предлог закон што дојде во Собранието, а се однесуваше на именување на членовите за одговорност за клевета и навреда, е за да се ограничи критиката кон функционерите од власта, изјави пратеникот на ВМРО-ДПМНЕ, Антонијо Милошоски.
„ За првпат по едноумието се воведува една формулација каде што би се санкционирало и негативно мислење. Сега гледаме дека власта ретерира и тоа негативно мислење има намера да го преформулира во омаловажувачко или понижувачко мислење, но сепак се гледа дека тенденцијата е да се ограничи критиката кон функционерите од власта.
Ова воопшто не зачудува бидејќи автор на овој текст е академикот Камбовски, којшто во 1987 година го казнуваше професорот Маријановиќ зошто сакал да се укине вербалниот деликт.
Нашата порака до министерот Тупанчевски е да го смени последниот министер на Милошевиќ, којшто на мала врата го протнува овој вербален деликт2.
