Италијанскиот калчолигаш Милан одлучи да се лиши од услугите на својот напаѓач Лука Јовиќ за натпреварите на тимот во групната фаза на Лигата на шампионите, пренесуваат италијанските медиуми.
Како што е познато, секоја екипа на турнирот може да пријави најмногу 25 фудбалери, а најмалку четворица од нив да бидат јуниори на клубот, а уште најмалку четири да бидат продукти на школите на други екипи од истата земја.
Сепак, во тимот на Милан има премногу странци, а по потписот на англискиот напаѓач Тами Абрахам во последните часови од преодниот рок, клубот требаше да избере од кој играч ќе се откаже за натпреварите во Лигата на шампионите. На крајот миланскиот гигант реши тоа да биде Србинот Лука Јовиќ, кој е трет напаѓач во хиерархијата во составот на Пауло Фонсека по нводојдените, Алваро Мората и Тами Абрахам.
Интересно, тешко повредениот Алесандро Флоренци беше вклучен во составот за пополнување на квотата за Италијанци. Од друга страна, клубот го искористи правото да пријави дополнителен список составен само од негови јуниори. Во него беа вклучени дури 17 играчи, но без новите засилувања Силвано Вос и Алехандро Хименез, кои не ги исполнуваат критериумите за најмалку двегодишен престој во Милан.
