Претседателот на ВМРО ДПМНЕ, Христијан Мицкоски денеска од Кочани порача дека тие нема да почитуваат „шверцерски“ договор со Бугарија со кој се прави штета на националните интереси.
-Она што ме загрижува е што во континуитет токму СДСМ и овој слепиот следбеник на заевизмот, Ковачевски се повеќе се одалечуваат од потребата за национален консензус за прашања кои се суштински важни за народот и заедничката иднина. Спорот со Бугарија останува отворен и се попродлабочен. Најпрво мислев дека се работи за незнаење, на немање на чувство за моментумот, но се повеќе станува јасно дека станува за тенденција на Ковачевски и владата да не сакаат да постигнат национално единство. Отсуството на единство за вака важни прашања значи само нов пораз за Македонија и македонскиот народ. А, ако ова се лекциите на Заев кои ги следи Ковачевски, јас би му порачал да се тргне од таа прегратка затоа што лош е учителот, а нема поголем учител од волјата и гласот на народот затоа што тој никогаш не греши, рече Мицкоски.
