Една од омразените карактеристики се враќа во ново руво, сега дизајнирана со подобри опции за безбедност и приватност.
Microsoft Recall, алатка за пребарување која користи вештачка интелигенција, а ја користат Copilot+ компјутерите, брзо беше исклучена кога корисниците забележаа што прави и како го прави тоа.
Да потсетиме, Recall беше промовирана како една од големите функции за вештачка интелигенција за Copilot+. Може постојано да прави слики од екранот од компјутерски уреди, да ги индексира, а потоа да користи генеративна вештачка интелигенција за да ги претвори фотографиите во база на податоци за историјата на компјутерот што може да се пребарува.
Сепак, раните тестови на Recall покажаа дека тие слики од екранот немале енкрипција, односно не се шифрирани, туку ќе содржат чувствителен материјал како банкарски информации, а самата база на податоци беше сон на секој хакер.
Recall сега се враќа, а во соопштението Microsoft вели дека новата верзија е дизајнирана со подобрувања во безбедноста и приватноста. Клучните принципи се обезбедени, како што е обезбедување дека чувствителните податоци се секогаш шифрирани и дека другите корисници не можат да пристапат до клучевите за шифрирање.
Функцијата сега е исто така опционална, така што нема да биде стандардно овозможена и може целосно да се отстрани од Windows.
