Home » Мијалков во декември излегува од затвор, доби условен отпуст до април 2025 година

Мијалков во декември излегува од затвор, доби условен отпуст до април 2025 година

by Журнал.мк

Основниот кривичен суд Скопје донесе одлука за условен отпуст на поранешниот шеф на УБК, Сашо Мијалков, со која тој ќе излезе од КПД Струга на 25 декември годинава, а условниот отпуст му се смета до 25 април 2025 година.

Одлуката на Кривичен следува откако Апелациониот суд Скопје изминатиот месец ја прифати жалбата на Мијалков, и го врати предметот „Империја“ пред Кривичен, за тој повторно да одлучи за барањето за условен отпуст на Мијалков.

Уважувањето на жалбата на осудениот Сашо Мијалков, пак, доаѓа откако претходно предлогот на директорот на Казнено-поправниот дом Струга за условен отпуст на осудениот беше одбиен како неоснован.

– Кривичниот совет при одделението за организиран криминал и корупција постапувајќи по предлог на Директорот на КПД Струга за условен отпуст на осудениот С.М., по одржана јавна седница, прибавена и разгледана целосна документација согласно напатствијата на Апелациониот суд Скопје, донесе решение со кое го Уважи предлогот на Директорот на казнено поправната установа – стои во денешното соопштение од Кривичен суд.

Оттаму дополнуваат дека против ова решение странките имаат право на жалба пред Апелациониот суд Скопје.

Мијалков издржува казна во затворот во Струга, откако по признанието на вина беше осуден на три години затвор во предметот „Империја“.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More