13 C
Skopje
Friday, April 23, 2021

Mercedes се подготвува за електричната G-класа

Најчитани вести

Сосема очекувано, теренецот ќе се приклучи на EQ гамата

До официјалното претставување на Mercedes EQS остануваат уште многу малку време, со оглед на тоа дека германскиот производител веќе ја покажа внатрешноста на електричниот дериват на S-класата и најави автономија од 770 километри со едно полнење. Но, амбициите на брендот да ја прошири EQ гамата не застануваат тука.

Веќе некое време е јасно дека Mercedes сака да претстави и целосно електрична верзија на вистинскиот теренец, G-класата. Очигледно, се ближи времето и тоа, откако Daimler на 1 април поднесе барање за патент за EQG 580 и EQG 560 во Канцеларијата за интелектуална сопственост на Европската унија (EUIPO).

Всушност, самата комбинација EQG потекнува уште од 2016 година, i уште тогаш Германците се подготвуваа на темата еколошки дериват на Mercedes G-класаta. Амбициите на компанијата беа реафирмирани на почетокот на 2019 година, кога шефот на Дајмлер, Ола Калениус, на Twitter јасно стави до знаење дека таков модел ќе има.

Веста беше повторена минатата година, кога компанијата соопшти дека очекува нејзините електрифицирани модели да имаат најмалку 50% удел во вкупната продажба до 2030 година. Сè уште не е јасно кога ќе ја видиме електричната G-класа или EQG. Веројатно ќе треба да почекаме барем до 2023 година или пореално – до 2024 година.

Повеќе вести

- Advertisement -spot_img

Најнови вести