Независниот кандидат за градоначалник на Струга г. Менди Ќура ја објави својата кандидатура.
-Со понижност и длабоко чувство на одговорност, денес стојам пред вас за да споделам една важна одлука – одлука која ја донесов по долго размислување, искрени разговори и директни барања од многумина од вас. Денес официјално ја објавувам мојата независна кандидатура за градоначалник на Општина Струга, вели Ќура.
„Ова не е чекор што го презедов самостојно, туку одлука за која добивав секојдневни барања. Повиците пристигнуваа од бизнис заедницата кои бараат појасна насока за градот и од младите кои сакаат да останат во родниот крај. Дополнително, поттик добив и од граѓаните, кои од мене бараат храброст да се кандидирам и со одговорност и посветеност да управувам со нашиот град.
Како стружанец, им одговарам на овие повици и ја преземам оваа обврска со целосна убеденост.
Ние сме граѓани на овој благословен град. Делуваме и живееме за Струга, а секој личен успех што сум го постигнал им го посветувам на луѓето од овој град.
Се чувствувам почестен, но морам да признаам дека овој предизвик е еден од најголемите предизвици што сум го прифатил досега. Сите показатели, а исто така и чувството што го добивам од граѓаните на овој град, покажуваат дека промената е повеќе од неопходна и важна за Струга.
Не доаѓам овде како спасител, бидејќи Струга нема потреба од херои. На Струга ѝ е потребна чесна работа, мудро раководство и храброст да го промениме она што не функционира.
Доаѓам овде како човек со искуство во економијата и со јасна визија за развојот што го заслужува нашиот град.
Кандидатурата што ја објавувам денес не е трка за власт, не е борба против никого. Таа претставува само повик за обединување за сите кои го споделуваат истиот сон за Струга.
Струга отсекогаш била мојата инспирација и мојата сила.
Проектите и идеите што ќе ги изнесеме во наредните денови ќе се засноваат на три столба:
Транспарентност и правда за сите,
Одржлив развој и инвестиции во инфраструктурата, во образованието и културата, во младината и во спортот,
Чесно претставување и отворен дијалог со секој граѓанин.
Со ваша помош, денес пред вас се обврзувам дека секогаш ќе бидам праведен, отворен и посветен да ја направам Струга најубава, најразвиена и најбогата со можности за живот за сите.
Затоа ги повикувам: граѓаните, бизнисмените и различните здруженија,
историчарите и просветните работници, студентите и интелектуалците,
невладините организации, здружениетјата кој се згрижуваат за лица со различни способности, спортистите и уметниците, новинарите, политичките партии и младинските форуми. Го упатувам овој повик до секој поединец без разлика на верска, етничка и политичка припадност, кој верува во иднината на градот да ме поддржи „ЗА СТРУГА“. Нека Господ ја благослови Струга и сите нејзини граѓани“, вели Ќура.
