На последното градско дерби на стадионот „Гудисон Парк“ фудбалерите на Евертон и Ливерпул одиграа нерешено 2:2, а по крајот на натпреварот дојде до конфликт меѓу играчите на двата тима, по што судијата покажа два црвени картони.
Во одложениот премиерлигашки меч домашните преку Тарковски во 98. минута постигнаа израмнувачки гол, а по мечот фудбалерите на Евертон тргнаа кон навивачите на градскиот ривал да го прослават бодот.
Ова го налути играчот од средниот ред на „црвените“, Кертис Џонс кој е роден во Ливерпул и тој се пресмета со противничките играчи.
Вториот го доби тренерот на гостите – Арне Слот, кој збесна по израмнувачкиот гол на „Карамелите“ во 97. минута, а по завршувањето на мечот луто му се нафрли на судијата Мајкл Оливер, па тој набрзо потоа му покажа црвен картон.
Сега е познато дека Слот е суспендиран на два натпревари поради црвениот картон, а „црвените“ ќе останат без тренерска помош на натпреварите против Вулверхемптон и Астон Вила во Премиерлигата.
