39
Првиот вицепремиер и министер за животна средина, Изет Меџити, заедно со премиерот Христијан Мицкоски, оствари средба со косовскиот премиер Албин Курти, потврдувајќи ја, како што истакна, заедничката посветеност на регионалната соработка, стабилноста и долгорочниот развој.
„Односите меѓу Северна Македонија и Косово се на највисоко ниво досега – изградени врз взаемна почит, заеднички интереси и јасна визија за иднината,“ напиша Меџити по средбата.
Тој нагласи дека двете земји се решени да градат нови мостови на соработка и да ги зајакнуваат соседските врски кои ќе им служат на граѓаните и целиот регион.
„Кога соседството станува партнерство – регионот се менува. А ние имаме волја да го смениме,“ порача Меџити.
