Од 90-тите години, па досега, немало постабилна Влада и поголемо мнозинство од ова. 78 пратеници и тоа расте. Сигурно дека за кратко време, ќе надмине и 2/3 од Собранието. Тоа е доволен коментар на тоа, вели еден од лидерите на ВЛЕН и вицепремиер во Владата, Изет Меџити околу можноста за организирање на предвремени парламентарни избори, заедно со локалните во наредната 2025 година.
Меџити смета дека се „непотребни“ предвремени избори.
-Непотребно е да се размислува за предвремени избори бидејќи е само трошок за државата и губење на време. Шест месеци пред и после изборите, запираат постапките, сите јавни набавки, вработувања и тоа влијае многу на економијата и бизнисот. Бизнисот не би бил среќен, тврди еден од лидерите на коалицијата ВЛЕН.
За предвремени избори се согласуваат од СДСМ, но и од ВМРО-ДПМНЕ, од чија партија и произлезе ваквиот предлог, пред се од лидерот на партијата и премиер, Христијан Мицкоски.
