Вицепремиерот Изет Меџити остро реагираше на изјавата на лидерот на ДУИ, Али Ахмети, за неговиот партиски колега Артан Груби, кој по ставањето на „црната листа“ на САД и прогонувањето од страна на македонските органи за истрага, избега од државата и се претпоставува дека е во Албанија.
„Албанскиот простор не е засолниште за корумпираните и нон-грата! Не ја дампирајте албанската територија со печатот на корупцијата и не вклучувајте ја во криењето на обвинетите за корупција и злоупотреба на службената позиција“, напиша Меџити на социјалните мрежи.
Тој додаде дека „албанскиот простор“ требало да остане „симбол на гордост и достоинство“.
„Личностите од црниот список на САД не смеат да ги прават албанските држави заложници на правдата и да ги вклучуваат во нивните злоупотреби. Ова е срам за политиката и политичарите Албанци во Северна Македонија“, вели Меџити.
Неговиот одговор следува по критиките кон политиките на ДУИ и улогата на партијата во заштитата на личности вклучени во корупциски скандали.
