сеци и веќе е целосно во функција, лоциран во Мемфис, Тенеси.
Colossus користи дури 100.000 Nvidia графички процесори, што го прави еден од најголемите системи од ваков вид во светот. Маск откри дека проектот бил завршен за рекордни 122 дена, значително побрзо од очекуваните 12 до 18 месеци.
Маск тврди дека Colossus е моментално најмоќниот AI систем за обука на вештачка интелигенција, но многумина се сомневаат во тоа тврдење со оглед на конкуренцијата од компании како Meta, Microsoft и OpenAI, кои исто така развиваат слични системи.
Суперкомпјутерот Colossus е направен со помош на графичките процесори Nvidia H100 чија цена достигнува околу 30.000 долари по единица, што значи дека Маск во овој проект инвестирал најмалку 3 милијарди долари. Потрошувачката на енергија и барањата за ладење се огромни, така што инфраструктурата во Мемфис ќе треба да се надгради за да го поддржи овој гигантски систем.
Планирано е натамошно проширување на Colossus, каде капацитетот ќе се зголеми на 200.000 Nvidia графички процесори во наредните месеци, со додавање на дополнителни Nvidia H200 чипови. Овој суперкомпјутер ќе се користи за развој на вештачка интелигенција во рамките на компанијата xAI на Маск, со посебен фокус на обука на четботот Grok.
Сепак, доаѓањето на Colossus предизвика загриженост во локалната заедница Мемфис за неговото потенцијално влијание врз животната средина и загадувањето на воздухот. Иако xAI вети дека ќе помогне за подобрување на локалната инфраструктура, жителите се загрижени за можните последици за животната средина.
