Home » Маричиќ: Иднината на Северна Македонија е во Европската Унија

Маричиќ: Иднината на Северна Македонија е во Европската Унија

by Журнал

Заменик претседателот на Владата на Република Северна Македонија, Бојан Маричиќ беше дел од делегацијата на билатералната средба денес со премиерот на Ирска, Лео Варадкар, кој е во официјална посета на Република Северна Македонија.

На билатералните средби со Премиерот Варадкар беше разговарано за „локалните и регионалните“ безбедносни прашања, како и за процесите што се во тек за членство во ЕУ.

Делегациите ја изразија потребата од унапредување на економската соработка, со посебен фокус на информатичката технологија, телекомуникациите, производството на органска храна, енергијата и туризмот.

Апликацијата за членство во ЕУ датира од времето кога Ирска претседавала во 2004 година.

Посетата на Варадкар на Западен Балкан доаѓа во време кога продолжуваат преговорите за проширување на ЕУ. Посетата е позитивен сигнал за европската перспектива на регионот и државата.

„На средбата се согласивме дека иднината на Северна Македонија е во Европската Унија. Ирска е наш партнер во реализација на нашата стратешка цел, и со посветено работење ќе ги спроведуваме потребните реформи за понатамошна интеграција на нашата држава во ЕУ.“ истакна Маричиќ​.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More