Home » Лукаревска: Поголеми плати и продолжување на концептот за повеќе пари кај граѓаните и во новата програма на СДСМ

Лукаревска: Поголеми плати и продолжување на концептот за повеќе пари кај граѓаните и во новата програма на СДСМ

by Журнал.мк

Заменик-претседателката на СДСМ, Сања Лукаревска, во емисијата „Агенда 35“ на МТВ изјави дека нејзината партија ќе продолжи со политиките за враќање на парите назад кај граѓаните, за повисок животен стандард за што имале разновидни мерки и политики и во новата програмска понуда, во новата програма на партијата.

Горда сум што политиките на СДСМ, зголемената просечна плата, зголемената минимална плата, пензиите, огромниот број на мерки што ги имавме, дадоа резултат и успеавме да обезбедиме и успешното справување со енергетската и корона кризата. Можам да кажам дека ќе продолжиме со политиките за враќање на парите назад кај граѓаните, за повисок животен стандард за што имаме разновидни мерки и политики. Сите овие мерки во дослух со граѓаните, коморите, синдикатите, изјави Лукаревска.

Таа додаде дека се бореле да ја намалат невработеноста на најниско ниво и успеале.

Се боревме да ја зголемиме невработеноста и тоа успеавме да го направиме, имаме огромни пакети и во време на криза го положивме тестот, го заштитивме стандардот на граѓани, додаде Лукаревска.

Таа изјави дека во делот на даночните политики СДСМ ќе се стреми и понатаму да обезбеди извесност, стабилност и предвидливост на даночниот систем, затоа што тоа не е инструмент на политичките партии туку е потребен поширок консензус.

Нема да зголемуваме даночни стапки, ниту придонеси, ќе разговараме за даночни ослободувања за да им овозможиме одредени олеснувања на граѓаните. Дигитализацијата е исто така многу значајна за поразвиен даночен систем, во оваа насока ќе ги споменам е фактура и е фискализација но имаме и нови мерки кои значат подобар стандард на граѓаните.

Како заменик претседателка јас сум задолжена за новата програмска понуда на СДСМ, заедно со еден прекрасен тим на луѓе и можам да кажам дека програмата е веќе подготвена. Во изработката беа вклучени сите партиски комисии, поединци, чинители и претставници на невладини организации, различни целни групи кои ги консултиравме. Изборната програма СДСМ ја промовира на Конгресот кога ќе бидат претставени и пратеничките листи, наведе Лукаревска.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More