Home » Лоши вести за оние кои се обидуваат да ги блокираат рекламите на YouTube

Лоши вести за оние кои се обидуваат да ги блокираат рекламите на YouTube

by Журнал

YouTube на секаков начин пробува да ги принуди корисниците да се префрлат на Premium претплата, за што е потребно да се издвојуваат 13,99 долари месечно.

Ако не сакате да платите, платформата ќе ве натера да гледате реклами. За оние кои ќе се обидат да ги блокираат, под услов да го заобиколат блокирањето на гледањето и подолготрајното вчитување на страниците за пет секунди, YouTube сега подготви нова мерка.

Како што забележаа корисниците кои блокираат реклами на страницата Reddit, YouTube почна да го успорува вчитувањето на видеата.

Во една од објавите поврзани со оваа тема, голем број луѓе тврдат дека имаат проблем со вчитувањето на клиповите на YouTube, а некои од нив велат дека овој проблем по грешка го припишале на лошиот интернет. Наводно, времето на вчитување на видеото драстично се подобрува по исклучувањето на блокирачот на реклами.

Најлошо од сè – се чини дека платформата „не изгледа каде удира“, бидејќи проблемот го пријавуваат и оние кои се претплатени на YouTube Premium.

Дополнително, корисниците тврдат дека овие вештачки предизвикани ограничувања не се ограничени на бавно вчитување, туку влијаат и на многу други функционалности на страницата, па дури и на перформансите на Chrome. Некои корисници известуваат дека по одредено време ја губат можноста за репродукција на видеа на цел екран и дека единственото решение е да го рестартираат прелистувачот.

Сепак, голем број корисници сè уште не ги доживеале новите мерки на своја кожа, што значи дека платформата ги применува во бранови.

Откако корисниците најдоа начин да го заобиколат блокирањето и побавното вчитување на страницата, останува да се види дали најновиот потег на YouTube ќе успее да го направи блокирањето на реклами доволно непријатно искуство, што би принудило многумина да издвојат пари за месечна претплата.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More