Украина во неделата доби пратка муниција и противвоздушни ракетни системи Стингер од Литванија, соопшти украинското Министерство за одбрана.
Претходно во неделата, два други авиони испорачаа околу 180 тони муниција од САД, изјави украинскиот министер за одбрана Олексеј Резников.
Резников на Твитер објави дека Украина досега добила речиси 1.500 тони муниција.
Украинските воени претставници објавија дека Украина со помош на своите сојузници значително ги зајакнала своите вооружени сили.
Ова конкретно се однесува на американските и британските противтенковски системи и дроновите што ѝ ги испорача Турција.
САД и сојузниците велат дека Русија може да ја нападне Украина во секое време, но Русија, и покрај што распореди повеќе од 100.000 војници во близина на границата со Украина, негира дека има такви планови.
