Новиот Lenovo Chromebook Plus е првиот таков уред во светот што го напојува MediaTek Kompanio Ultra процесорот и нуди ексклузивни Google AI функционалности за хибридна вештачка интелигенција.
Lenovo го претстави својот најнов Chromebook – Chromebook Plus (14”, 10) со 14-инчен екран, моќен процесор и високи перформанси. Новиот Chromebook Plus е базиран на процесорот MediaTek Kompanio Ultra, кој се одликува со ексклузивни Google AI функционалности за хибридна интелигенција. Овој Chromebook е дизајниран за професионалци, студенти и креатори на содржини и поставува нови стандарди во многу категории – од процесор со 50 TOPS капацитет за исклучителни перформанси, до можност за извршување AI функции и на уредот и во cloud, како и четири звучници со Dolby® Atmos технологија за импресивно мултимедијално искуство.
Lenovo Chromebook Plus (14”, 10) е првиот Chromebook што го користи процесорот MediaTek Kompanio Ultra 910. Станува збор за водечки процесор со Arm Immortalis-G925 MC11 графички процесор и MediaTek 890 неуронски процесор. Комбинацијата на енергетска ефикасност и AI можности, со помош на Gemini алатката, овозможува нови начини на работа, креативност и организација. Најновите AI функционалности од Google, вклучително и ексклузивните функции на самиот уред – како паметно групирање (Smart Grouping) за организирање на табови, документи и апликации по категории, како и уредување на фотографии директно во апликацијата Галерија – ја ослободуваат креативноста и можат да се користат и без интернет конекција.
Создаден за професионалци, Lenovo Chromebook Plus со вградената Gemini алатка на taskbar-от ја зголемува креативноста и продуктивноста. Функции како Lens „Избери за пребарување“ (Select to Search) овозможуваат брзо наоѓање на било што на екранот без преминување помеѓу табови или прозорци, а функцијата за препознавање текст користи OCR (оптичко препознавање на знаци) за автоматско додавање датуми и текст во Календар и Документи – од било кој документ, е-маил или фотографија. Подобрената верзија на функцијата „Помогни ми да прочитам“ (Help Me Read) поедноставува стручни или жаргонски текстови и овозможува поставување дополнителни прашања за полесно помнење и разбирање на содржината.
Оборуден е со 14-инчен OLED екран со резолуција од 1920 x 1200 пиксели и целосен DCI-P3 опсег на бои, четири звучници и два посебни subwoofer-и насочени кон подот. Како дополнителна опција Lenovo нуди и екран осетлив на допир. Тастатурата има позадинско осветлување, а дизајнот е минималистички и чист, нагласен со алуминиумско куќиште.
Chromebook Plus нуди до 16 GB LPDDR5 RAM и до 256 GB простор за складирање. Има одлична автономија – до 17 часа работа со едно полнење на батеријата (60 Wh). Како што нема активни вентилатори, користи пасивно ладење и работи бесшумно. Веб-камерата има резолуција од 5 MP и е опремена со капаче за приватност. Од другите технологии тука се Wi-Fi 7 и Bluetooth 5.4.
Што се однесува до приклучоци, Chromebook Plus располага со два USB-C порта (5 Gbps), еден USB-A порт (5 Gbps) и еден 3,5-mm аудио приклучок. Има MIL-STD-810H сертификат за отпорност на удари. Исто така, може да прикажува слика на два надворешни 4K монитори.
За образовни институции, Lenovo Chromebook Plus (14”, 10) е достапен и со надградба Chrome Education, која им овозможува на училиштата и IT администраторите да го конфигурираат и управуваат со ChromeOS опкружувањето според сопствени потреби. Chrome Education Upgrade овозможува брзо оценување на стотици Chromebook уреди, дистрибуција на нови уреди, управување со групни ажурирања, контрола на пристапот до податоци, заштита од безбедносни закани и многу повеќе – сето тоа преку Google Admin конзолата во облак.
Lenovo Chromebook Plus (14”, 10) е достапен на европскиот пазар преку малопродажба и големопродажба по почетна цена од 649 €.
