Home » Лекарите кои ја проучуваат долговечноста тврдат дека ова е најдобрата храна за здрав живот

Лекарите кои ја проучуваат долговечноста тврдат дека ова е најдобрата храна за здрав живот

by Журнал.мк

Експертите велат дека има многу работи што можеме да ги направиме за да ги зголемиме нашите шанси за подолг живот. На пример, можеме да започнеме со исхрана.

Кажете им збогум на ултра-обработената храна и префрлете се на цели зрна, овошје и зеленчук. Еве што избираат од храната професионалците, како совет за долг и здрав живот.

Зелкаст зеленчук
Брокулата, зелката, кељот и бриселското зелје се преполни со хранливи материи кои можат да ви ги зголемат шансите за долг и квалитетен живот. Д-р. Марк Хајман специјалистот за долговечност вели дека тајната е во антиинфламаторните, антиканцерогените и анти-стареечките фитонутриенти кои се наоѓаат во зелкастиот зеленчук.

Масна риба
Сардината, харингата и лососот се одлични извори на протеини и омега-3 масни киселини. Според др. Хајман, јадењето мрсна риба двапати неделно е доволно за да се намали ризикот од срцев удар, аритмија, мозочен удар, висок крвен притисок и покачени триглицериди.

Екстра девственото маслиново масло
„Само половина лажичка екстра девствено маслиново масло дневно може значително да го намали ризикот од смрт од кардиоваскуларни болести, невродегенеративни болести, респираторни заболувања и рак“, тврди др. Хајман.

Бобинки
Прескокнете го десертот и препуштете се на бобинки, богати со антиоксиданси и малку шеќер.

Ферментирана храна
Од кимчи преку комбуха и кисела зелка, ферментираната храна содржи корисни бактерии кои помагаат во одржувањето на здравјето на цревата.

Јаткасти плодови и семиња
Овие намирници се преполни со влакна и протеини, понекогаш растителни омега-3 масни киселини. Оревите се одличен пример.

Обичен јогурт
Обичниот јогурт содржи многу протеини, калциум и магнезиум, како и гама-аминобутерна киселина, невротрансмитер кој го релаксира телото, го намалува стресот и го подобрува сонот.

Темно чоколадо
Темното чоколадо има повеќе антиоксиданси дури и од боровинките, уште една храна која придонесува за долговечност. Темната чоколада е здрава и за мозокот. Важно е да се изберат само сорти со 75 проценти какао или повеќе.

Мешунките
Мешунките можат да го стабилизираат шеќерот во крвта и да го намалат холестеролот.

Домати
Доматите содржат ликопен, антиоксиданс кој помага за здравјето на кардиоваскуларниот систем, како и витамин Ц кој е неопходен за силен имунитет.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More