Поранешниот српски репрезентативец Александар Коларов е нов селектор на селекцијата до 21 година во оваа земја.
На селекторското столче легендата доаѓа на местото на поранешниот селектор на Македонија, Љубинко Друловиќ, кој ги водеше младите „орли“ во изминатите години. Коларов парафира двегодишен договор со Фудбалскиот сојуз на Србија (ФСС).
„Благодарност до ФСС за повикот на оваа многу одговорна функција. Едвај чекам да почнам да работам, веќе јас и стручниот штаб почнавме да скаутираме играчи и да се подготвуваме за работата со момчињата“, прокоментира Коларов.
Коларов беше репрезентативец на Србија од 2008 до 2020 година, долгогодишен капитен и собра 94 настапи.
Сега авантурата како селектор на младинскиот тим ќе ја започне со ноемврискиот циклус.
