22
Американската поп-икона Лејди Гага ќе настапи вечерва на плажата Копакабана во Рио де Жанеиро на бесплатен концерт за кој се очекува да привлече повеќе од 1,6 милиони луѓе и да биде еден од најголемите во нејзината кариера.
Рио де Жанеиро организира бесплатни настани со светски ѕвезди како начин да ги наполни хотелите, баровите и рестораните кои се борат со економската криза во последните години, објави Ројтерс.
Настапот на Мадона на истата плажа пред една година, исто така, привлече 1,6 милиони луѓе од целиот Бразил и беше најголемиот настап во живо во нејзината децениска кариера. Официјалните лица велат дека настапот на Лејди Гага, закажан за 21:45 часот. по локално време, би можело да привлече уште повеќе луѓе.
