Универзитетскиот професор Дарко Лазаров, во 24 анализа рече дека животниот стандард на една држава се гради со години.
Според него, еден од клучните проблеми на македонската економија е што не може да има економски раст како растот на ЕУ.
„Ако ја погледнеме инфлацијата од мај и ја споредиме со претходните 4 месеци ќе видиме дека овој процент од 3,3 е понизок од просекот од овие 4 месеци. Ако споредиме со последните два месеци има мало зголемување од мали процентни поени. Во економијата има поим приближување на животниот стандард во Македонија кон тој на ЕУ. Единствен начин е ние да растеме со повисоки стапки и значи дека секој раст на економијата и на платите повисоко од тој на ЕУ ќе значи приближување. Еден од клучните проблеми на македонската економија е што не може да има економски раст како оној на ЕУ. Животниот стандард не се гради во рок од една – две години, се гради долго време. Стандардот во ЕУ е таков каков што е поради добрите политики во изминатите 30 години“, рече Лазаров.
Тој зборуваше и за тоа дека ако го споредиме нивото на странските директни инвестиции годинава со 2022 и 2023 ќе забележиме дека е речиси исто.
„Во бруто инвестициите има зголемување затоа што има динамика во реализација на јавните инвестиции. Вториот сегмент во однос на директните странски инвестиции е ако се спреди 2023 и 2022 ќе видите дека нивото сега е ист со овие две години. Основата со која се споредуваме е висока. Ако се погледне структурата на инвестициите повеќе од 70% се инвестиции во нисоко и високо градба. Ние немаме инвестиции во машини и технологија. Втор момент што е важен е како инвестициите ќе влијаат врз БДП. Од една страна се позитивни а од друга страна да не заборавиме дека сме увозно зависни и технолошко и капитално“, додаде Лазаров.
