Роналд Куман не го криеше разочарувањето од одлуката на Стивен Бервајн летово да го напушти Ајакс и да се пресели во Ал Итихад во трансфер вреден 25 милиони евра. За холандскиот селектор, оваа одлука е јасен знак за неамбициозност на фудбалерот, по што тој дефинитивно повеќе нема да игра за „лалињата“.
Бергвајн беше дел од холандската репрезентација на ЕВРО 2024, но очигледно е дека репрезентативната кариера е завршена за поранешниот фудбалер на Тотенхем.
„Бергвајн замина за Саудиска Арабија на 26-годишна возраст. Зарем треба да дискутираме дали тој воопшто има спортска амбиција. Неговата епизода во холандската репрезентација е завршена, тој е свесен за тоа уште пред јас да го кажам. Истото ќе се однесува и за следни слични случаи во иднина“, дециден е на својот став холандскиот селектор.
Тој воедно обелодени дека веќе разговарал со Блинд, Вајналдум и Де Рон, известувајќи ги дека повеќе нема да бидат дел од националниот тим.
