Home » Косовската полиција заплени оружје кај Звечан, приведен поранешен полицаец

Косовската полиција заплени оружје кај Звечан, приведен поранешен полицаец

by Журнал.мк

Директорот на косовската полиција информира дека едно лице, поранешен косовски полицаец, веќе е приведено, бидејќи се сомничи дека е поврзано со оружјето кое било пронајдено во близина на неговата куќа

Околу 1 500 парчиња муниција, 10 долги пиштоли, 62 шок бомби, експлозиви, радио врски, полни и празни шаржери и една униформа на српската војска запленила косовската полиција вечерва по рациите кои ги извршила во околината на Звечан, односно во тамошната населба Рударе.

Генералниот директор на косовската полиција, Газменд Хоџа, како што пренесуваат косовските медиуми, во изјава рекол дека косовските власти конфискувале значителни количини оружје за кое постои сомневање дека останало таму по нападот на српска вооружена група на 24 септември минатата година во Бањска кај Звечан.

Хоџа вели дека полицијата ги обезбедила информациите за местото каде што е пронајдено оружјето од граѓани и од Косовската разузнавачка агенција (АКИ).

Директорот на косовската полиција информира дека едно лице, поранешен косовски полицаец, веќе е приведено, бидејќи се сомничи дека е поврзано со оружјето кое било пронајдено во близина на неговата куќа.

Од нападот на 24 септември во Бањска во Звечан, косовските власти неколкупати презентираа конфискувано оружје во северниот дел на државата, населен со мнозинско српско население.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More