Црвениот крст денеска организира конференција на тема „Зајакнување на помошната улога на Црвениот крст кон властите во кризниот менаџмент“. Целта е подбро позиционирање на организацијата за поефикасно и поефективно спроведување хуманитарните операции.
Конференцијата е под покровителство на министерот за внатрешни работи Панче Тошковски, а, како што е најавено, претставува значаен механизам во споделување искуства на полето на кризниот менаџмент, како и споделување иницијативи за подобрување на ефикасноста на институциите за одговор при итни состојби.
-На конференцијата ќе понудиме платформа за соработка која ќе обезбеди поддршка на властите во државата за дополнување хуманитарни услуги согласно основните принципи, како и иницијативи за поефикасно и ефективно спроведување на стратешки заложби за подобрување на животот на ранливото население, најавува Црвениот крст.
На настанот ќе учествуваат парламентарци, истакнати професори, експерти од областа на кризниот менаџмент, поддржувачи и волонтери на Црвениот крст.
