Претседателката на Форумот на жени на СДСМ, Даниела Колева во Аргумент плус рече дека во денешно време да се биде жена е предизвик и треба да се направи баланс меѓу приватниот и професионалниот живот.
Таа зборуваше и за тоа дека доколку Министерката за финансии Гордана Димитриеска-Кочоска се извинеше на Славјанка Петровска за својата изјава , тоа ќе беше прифатено.
„Важна е улогата на жените во политиката и присутноста е важна. Женте се соочуваат со предизвици. Иако се направи значително поместување изминатите години сепак потребно е многу работа и не чекаат голем број Закони кои треба да се донесат. Унапредувањето треба да се донесе со консензус и сите жени треба да седнат на маса и да се договорат и да одлучат. Ние носиме законски решенија но имплементацијата е важна. Треба да има континуитет и секоја политичка партија треба да се залага да ги застапува жените во политиката“, изјави Колева.
Таа рече дека од Форумот на жени веднаш реагирале на изјавата на Министерката на финансии Димитриеска-Кочоска. Според неа бил побарано извинување но и оставка.
„Јавноста реагираше ние како ФОРУМ реагиравме и баравме да се извини министерката и таа не се извини па ние побаравме и оставка. Таа направи неколку повреди, институционална повред со тоа што не ги испочитува пртеничките прашања. Прашањето беше во нејзиниот ресор бидејќи цените ги засегаат сите. Таа свесно или несвесно го изврти прашањето и тоа не смее да биде пракса, направи грешка, сите грешат но доблесно е д се извини. После тоа и доколку имаше извинување, јас сум сигурна 100% дека ќе беше прифатено. Тука беше допрена секоја жена во државата“, додаде Колева.
