Home » Коцевски: Бескомпромисен кривичен прогон на сите сторители на кривични дела

Коцевски: Бескомпромисен кривичен прогон на сите сторители на кривични дела

by Журнал

,,Да се биде јавен обвинител на Република Северна Македонија е одговорна
задача која бара познавање на состојбите и предизвиците со кои се соочува
обвинителството, искуство во кривичниот прогон, раководни и комуникациски
вештини, професионален авторитет и доверба кај колегите”.

Ова во својата програма го потенцира Љупчо Коцевски, кандидат за републички јавен обвинител. Неговиот избор е се поизвесен, бидејќи точката за избор на шеф на обвинителите е ставена на дневен ред во Собранието за седницата закажана за во среда.

-Искрено верувам дека можам да одговорам на предизвикот да го водам Јавното обвинителство, за што имам конкретна визија и план, но и решителност тие визии и планови да ги остварам.

Свесен сум дека ме очекуваат навистина големи предизвици: од успешно
спроведување на дигитализацијата, преку унапредување на условите и квалитетот на работењето, па се до етаблирање на обвинителството како орган на кој граѓаните ќе му веруваат и каде ќе се обратат за заштита на нивните права.

Доколку бидам избран на функцијата, посветено ќе работам со единствена
цел – градење на домашниот и меѓународниот кредибилитет на јавното
обвинителство како вистински партнер на институциите и на сите граѓани,
заштитник на сигурноста и на јавниот интерес, ефикасен борец против сите
облици на криминал, вели Коцевски.

Кандидатот за наследник на Љубомир Јовески ветува и дека посветено ќе се залага за бескомпромисен кривичен прогон на сите сторители на кривични дела.

Според него, важна алатка во борбата против криминалот и корупцијата се истражните центри.

-Јадрата кои треба да гарантираат
ефикасни предистражни и истражни
постапки се истражните центри во јавните
обвинителства. Идејата во однос на
истражните центри е тие да бидат брзи,
модерни, ефикасни и законити во
прибирањето на доказниот материјал со
цел во основа да се скратат
предистражните постапки и за брзо време
да се излезе на суд со прибраните докази
за да се врати довербата во системот на
кривично гонење, вели Коцевски.

Меѓу приоритетите ја истакнува конфискацијата.

-Конфискацијата на имот и барањата за определување на мерки за привремено
обезбедување на имот ќе бидат поставени како нов приоритет во кривичните постапки. Јавното обвинителство ќе се залага за уредување и олеснување
на законските процедури за конфискација на незаконски стекнатиот имот, истакнува обвинителот.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More