По години на индивидуални признанија и голови, Хари Кејн конечно го дочека својот прв тимски трофеј, oсвојувајќи ја шампионската титула со Баерн Минхен во сезоната 2024/2025. Најдобриот стрелец во историјата на англиската репрезентација, кој постигна над 400 голови во кариерата, конечно го запиша и првиот голем колективен успех.
Со 24 погодоци во Бундеслигата, Кејн беше една од клучните фигури во тимот на Компани, а сега за „Гардијан“ за првпат зборуваше по освоената титула.
„Убаво е да се биде на другата страна. Искрено, доживеав прослава каква што досега немав. Но тоа нема да ме промени како фудбалер. Не сум поразличен од тоа што бев претходно. Ова е нешто што недостасуваше во моето си-ви“, изјави напаѓачот, додавајќи со доза на искреност: „Можеби кога еднаш ќе ја освоиш титулата, повеќе нема што толку да се зборува“.
Кејн објасни и зошто ја напушти Тотнем.
„Лесно можев да останам во Тотнем, да играм во Премиер лигата и да продолжам да постигнувам голови, но сакав повеќе. Сакав предизвик, да се усовршам, да се докажам на највисоко ниво, да играм во најголемите натпревари, да бидам дел од трка за титули и од Лигата на шампионите“, нагласи капитенот на Англија.
Тој верува дека ова е само почеток на нешто посебно во неговата кариера: „Ова е само првиот чекор. Мислам дека најдоброто допрва следува“.
Фото: FC Bayern München/FB
