Казнети 139 возачи во Скопје

Секторот за внатрешни работи Скопје во текот на вчерашниот ден продолжи со контролите во областа на сообраќајот, при што на територија на град Скопје изречени се вкупно 139 мерки.

Како што соопшти МВР, меѓу санкциите шест се за возење повеќе од дозволената брзина, осум за возење без возачка дозвола, осум за минување на затворен сигнал (црвено светло) и седум мерки за користење мобилен телефон при возење.

Сообраќајните контроли продолжуваат и во наредните денови, наведуваат од МВР.

-Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, повикуваат од МВР.