Претседателот на Движењето БЕСА и градоначалник на Тетово, Билал Касами во интервју за Алсат вели дека ќе се кандидира за уште еден мандат во Општина Тетово. Тој истакнува дека досега е направено многу, но и оти има и многу проекти, на кои се работи и за кои треба повеќе време да се реализираат.
„Ми треба барем уште еден мандат за да ги завршам овие проекти. Два мандати се доволни, трет можеби е премногу. Од денеска можам да најавам дека да, доколку е во интерес на Тетово и на тетовчани ќе се кандидирам за уште еден мандат, доколку добијам поддршка ќе ги продолжиме овие проекти што ги реализираме.“ изјави претседателот на Движењето БЕСА, Билал Касами.
На прашањето дали има поддршка од партнерите на коалицијата Вреди Касами, рече дека начелно постои согласност секој каде што раководи со локалната власт да продолжи со истите политички субјекти. Верувам дека многу брзо ќе имаме општ договор кој ќе определи како ќе одиме на локалните избори. Начелно се договоривме, но поделбата на одговорностите на локално ниво се уште не е одредена.
