Не мора да плаќате за MS Word, Excel и PowerPoint – Microsoft 365 нуди бесплатни опции кои поголемиот дел од корисниците може без проблем да ги користат.
Ако ви е неопходен Microsoft Office за работа, училиште или лични проекти, а немате пари за претплата, постојат неколку начини како да го користите целосно бесплатно и тоа легално. Иако постојат некои ограничувања, за поголемиот дел од корисниците овие решенија се повеќе од доволни.
1. Користење на Microsoft 365 преку сајтот Office.com
Најлесен и најпрактичен начин да го користите Office бесплатно е преку веб-страницата office.com. Потребно е само да имате Microsoft сметка (може да користите и стара Skype сметка).
По најавата, добивате пристап до веб-верзии на апликациите како што се Word, Excel, PowerPoint, OneNote, Forms, Lists, Copilot, па дури и Microsoft Teams. Сите апликации работат директно во прелистувач и не е потребна никаква инсталација.
Единствен недостаток е тоа што користењето е врзано за интернет – не можете да ги користите апликациите додека сте „offline“. Исто така, добивате 5 GB простор на OneDrive, што е доволно ако не чувате многу стари фајлови.
Чекори за користење:
-
Отворете office.com во кој било прелистувач.
-
Кликнете на Sign in и најавете се со Microsoft сметка (или креирајте нова).
-
По најавата, кликнете на Create и изберете апликација (на пр. Word или Excel) за да отворите и започнете работа на нов документ.
2. Користење на мобилната апликација Microsoft 365
Ако ви е потребен Office додека сте во движење, можете бесплатно да ја користите мобилната апликација Microsoft 365 за Android и iOS. Таа овозможува креирање, уредување и потпишување на Word, Excel и PowerPoint документи, како и работа со PDF фајлови.
Потребно е само да ја инсталирате апликацијата преку Google Play или App Store и да се најавите со Microsoft сметка. Идеална е за брзи измени на документи кога немате пристап до компјутер.
3. Microsoft 365 Education за ученици и наставници
Ако сте ученик или наставник со важечка школска е-пошта, имате право на целосната верзија на Microsoft 365 бесплатно преку програмата Office 365 Education. Ова ги вклучува Word, Excel, PowerPoint, OneNote, Copilot и Teams, како и дополнителни алатки за наставници.
За да се пријавите, посетете го сајтот Microsoft Education и внесете ја школската е-пошта адреса. Ако системот ја одбие регистрацијата, обратете се до IT-службата на вашето училиште за помош.
За повеќето корисници, овие бесплатни верзии на Microsoft 365 нудат сè што им е потребно за основна работа и функции – без разлика дали работите од дома, учите или само повремено обработувате документи. Ако не ви пречи да работите во интернет-окружување и може да се снајдете со неколку ограничувања, ова е идеално решение без трошоци, пишува ZD Net.
