Home » Италијанската полиција уапси 55 мафијаши

Италијанската полиција уапси 55 мафијаши

by Журнал.мк

Италијанската полиција уапси 55 лица за кои се сомнева дека се поврзани со сицилијанската мафија.

Осомничените се обвинети за изнуда, шверц на дрога и поседување оружје и распрскувачки материи, соопшти денеска италијанската полиција.

Рациите биле извршени главно околу сицилијанскиот град Калтанисет, но и во други делови на Италија. Учествуваа околу 500 полицајци.

„Денешното работење е особено важно не само по квантитет, туку и квалитет“, изјави Салваторе Де Лука од јавното обвинителство во Калтанисета.

Коза Ностра е најпознатата мафијашка организација на Сицилија, а има и некои помали како Стид.

Фокусот на операцијата беше на градот Гели. Таму две големи мафијашки семејства се здружија со Стид во шверц на дрога. Незаконски заработените пари ги искористиле за изградба на неколку оранжерии за одгледување канабис. Тие продавале дрога во областа или ја разменувале со калабриската мафија „Ндрангета“ за кокаин.

Според Де Лука, особено загрижува фактот што осомничените поседувале оружје.

„Резултатот е Коза Ностра која работи, се занимава со дрога, има значителен арсенал на оружје и е подготвена да убива и демонстрира сила.“

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More