Home » Италијанката лажирала 12 бремености и пет пораѓања: Наплатила 110.000 евра, а еве како ја фатија

Италијанката лажирала 12 бремености и пет пораѓања: Наплатила 110.000 евра, а еве како ја фатија

by Журнал

Необична приказна доаѓа од Рим, каде Барбара Јоеле (50) била фатена во невидена измама.

Жената не сакала толку да оди на работа што лажирала 12 ризични бремености и пет породувања, во периодот од 2014 до 2019 година.

Но, имало и друга причина, бидејќи жената истовремено собрала 111.000 евра од Националниот институт за социјално осигурување (ИНПС), пренесува La Repubblica.

Надлежните се посомневале дека нешто не е во ред, бидејќи пет години по ред „изнудувала“ бременост.

Од друга страна, се трудела се да изгледа веродостојно, па децата имале дури и имиња (Бенедета, Анѓелика, Абрамо, Летиција и Исмаеле) и даночни броеви.

Инспекцијата решила да им излезе во пресрет на најмалите, а потоа ја сфатиле измамата на жена која е вработена во синџир за брза храна.

Истрагата им била доверена на карабинерите, а наводно таа користела фалсификувани документи за „автентикација“ на породилното отсуство, вклучувајќи лекарски уверенија со печати и потписи.

Таа е осудена на една година и осум месеци затвор, а нејзиниот сопруг исто така ќе помине седум месеци зад решетки.

Во образложението на пресудата, судиите напишаа:

– Неспорно е дека учествувале во кривичното дело тешка измама на штета на јавен орган.

Жалбената постапка е во тек, бидејќи бранителот веднаш реагираше, а локалниот завод за социјално осигурување најавува дека ќе бара враќање на секој цент.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More