Исчезна 12-годишно дете во Србија, не се вратило од училиште

Во Србија исчезна 12 годишно момче по име Илија Матиќ. Татко му за српските медиуми истакнал дека момчето исчезнало синоќа и дека го барале во текот на ноќта во Земун поле.

„Не сум го видел од прексиноќа. Вчера наутро го видела сопругата, го спремила и го испратила на училиште. После тоа повеќе не се јави“ – рекол загрижениот татко.

Тој потврди дека Илија и претходно бегал од дома, но дека овојпат не е сигурен дека е така.

„Веќе не сум сигурен што да мислам“ – рече тој.

Како што неофицијално било потврдено, момчето синоќа било пријавено за исчезнато, полицијата е на терен и го бара цела ноќ, но од него се уште нема ни трага ни глас.

Момчето е слабо, има кратка кафена коса и кафени очи и е ученик во шесто одделение во основно училиште.