Иран спроведува воена вежба во северниот дел на земјата, јавуваат локални медиуми. Воената вежба се случува во време кога регионот стравува од одговорот на Иран кон Израел поради убиството на лидерот на „Хамас“, Исмаил Ханија, минатиот месец во Техеран.
Вежбата се одвива денеска од 19:30 до 20:30 часот по локално време во иранската провинција Гилан на Каспиското Море. Целта е да се засили одбранбената готовност на иранските поморски сили, соопшти официјален претставник.
Ова е втора воена вежба на Иран во последните три дена. Иран вети одговор на Израел по убиството на Ханија на 31 јули во Техеран. Израел е обвинет за убиството, но не презеде одговорност. Убиството предизвика закани за одмазда од страна на Иран кон Израел, што ја зголеми загриженоста за поширок конфликт на Блискиот Исток.
