Со вкупно 154 бодови, iPhone 15 Pro Max се наоѓа на второто место, само два поени зад лидерот Huawei P60 Pro, но сепак сериозно го надминува iPhone 14 Pro Max
Набрзо по премиерата, iPhone 15 Pro Max се најде на тестовите на DXOMARK и сега знаеме како функционира неговата камера. Таа е најимпресивна досега кај смартфоните на американската компанија, но сепак тоа не беше доволно да го заземе првото место на рангирањето. Со оценка 154, iPhone 15 Pro Max се наоѓа на второто место, само два поени зад лидерот Huawei P60 Pro, но сепак сериозно го надминува iPhone 14 Pro Max, кој со 146 поени се најде дури на деветтото место во рангирањето.
DXOMARK посочува дека iPhone 15 Pro Max покажува одлични перформанси и при снимање фотографии и видео. Тестерите беа импресионирани од прецизната експозиција, светлите и живи бои и високиот контраст на снимката. Одличните перформанси продолжуваат и кај портретите, бидејќи уредот успева да фати мали детали и правилно да ги репродуцира тоновите на кожата.
