Home » Интересот за патување е намален, аранжманите поскапени

Интересот за патување е намален, аранжманите поскапени

by Журнал.мк

Поскапи аранжмани за патување од 15 отсто и повеќе ова лето. Ако на едно четиричлено семејство му биле потребни 2.000 евра за летен одмор, оваа година ќе му бидат потребни 3.000 евра. Интересот за патување е намален-велат од туристичките агенции.

За некои од граѓаните одморот е луксуз што не можат да си го дозволат, бидејќи сè уште ја чувствуваат економската криза. За други пак, одморот е можност за бегство од секојдневните грижи и проблеми.

Не е мал бројот на оние кои ги откажуваат резервациите, бидејќи немаат пасош со новото име на државата. Ова претставува проблем и за граѓаните, кои испланирале патување пред да го добијат новиот пасош, но и за туристичките агенции.

Политичката ситуација, изборите се рефлектираат и на туризмот-вели претседателот на Угостителско-туристичката комора Аркан Керим.

Големиот интерес за патување влијае на високите цени на аранжманите, кои допрва ќе растат-објаснува тој.

Грција, Албанија, Црна Гора, Хрватска, Турција, Египет, Тунис се најбараните дестинации за ова лето. 75 отсто патуваат во сопствена режија и сами резервираат хотелски сместувања и авиобилети. Околу 40 милиони евра македонските граѓани потрошиле на букинг – вели Керим.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More